پاۆلودار وبلىسى ورتالىعىنداعى جەدەل جاردەم ستانساسىنىڭ كولىك جۇرگىزۋشىلەرى وبلىس اكىمى ابىلقايىر سقاقوۆتىڭ وزدەرىمەن كەزدەسۋىن ءوتىنىپ Instagram جەلىسىندەگى @zhaloby_pavlodar پاراقشاسىنا شاعىمدارىن جاريالانعان بولاتىن, - دەپ حابارلايدى Egemen.kz.
جۇرگىزۋشىلەر وبلىس اكىمى مەن دەنساۋلىق ساقتاۋ باسقارماسىنىڭ باسشىسى ءبىرجان دوسمايلوۆتان جەرگىلىكتى جەدەل مەديتسينالىق جاردەم قىزمەتىندەگى كەلەڭسىزدىكتەردى رەتكە كەلتىرىپ بەرۋلەرىن, ەڭبەكاقى تولەۋ ماسەلەسىن شەشىپ بەرۋدى سۇرايدى.
ال, ستانسانىڭ باس دارىگەرى كانادان احمەتجانوۆ جانە كولىك تۇراعىنىڭ باسشىسى ك.سۇلەيمەنوۆتىڭ جۇرگىزۋشىلەرمەن دە ورتاق ءتىل تابىسىپ, ءوز قىزمەتتەرىن قىزمەت تالاپتارىنا ساي لايىقتى اتقارعاندارى دۇرىس دەپ سانايدى.
سونىمەن بىرگە, ەڭبەكاقىلارىنىڭ قىسقارعانى, جۇمىستان سەبەپسىز شىعارۋ, جۇمىستان كەتەسىڭ دەپ قورقىتۋ سياقتى ماسەلەلەر ايتىلعان.
سونداي-اق جەدەل جاردەم كولىك تۇراعىنىڭ جاعدايى ء سوز ەتىلدى.
بىراق ادەتتەگىدەي, جەدەل جاردەم قىزمەتى بۇل اقپاراتتىڭ جالعان ەكەنىن ءمالىم ەتتى.
ايتسە دە, سەبەپسىز سالدار جوق, جۇرگىزۋشىلەر بۇدان بۇرىن دا بىرنەشە رەت جوعارىداعى ماسەلەلەردى ايتىپ, كولىك تۇراعىنداعى جاعداي جايلى وبلىستىق اكىمدىككە, دەنساۋلىق ساقتاۋ باسقارماسىنا, باق وكىلدەرىنە شاعىمدانعان بولاتىن-دى.
پاۆلودار